PostHeaderIcon شخابيط على الحيط .. 1

شخابيط على الحيط .. 1



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


خبي زي ما تخبي ..
مسير المتسخبي يبان ..
و داري مهما تداري ..
هتيجي في يوم و تعترف و معاك بيان ..
و كان لازمتها إيه من الأول ..
كل ده لف و دوران



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


لم هدومه و ماشي خالص ..
و سايب لنا أجمل إحساس ..
فرح و سعد و هنا وسرور ..
ووش منور زي البلور ..
روح ما تغيبش عنا كتير ..
كبير و صغير مستنيك


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


في وشوش من المخ ما تتمحيش..
ووشوش من القلب ما تنسيش..
ووشوش ع ذكراها ناس بتعيش..
ووشوش رحيلها ما يتداويش..
ووشوش بتقرأ دي حروف و عليها ملامح بتقول ..
هو أنا فين من وسط دي وشوش



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


نفسي في قنبلة ..
تعمل بوووم ..
في وش ظالم مشّيل غيره الهم ..
و تأخد في وشها الجبان ..
اللي خايف من نظيره الإنسان ..
و ترحمني من الكائن طويل اللسان



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

أقولك اعمل فىّ معروف ..
و خليها للظروف ..
ع إيه شايل الهم ..
وراكبك ميت غم ..
بص كده حواليك ..
عمرك في يوم شفت طير شايل الهم..
و لا راكبه زيك الغم ..
أوعي تنسى في يوم انه ربك رب كريم


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


آيــة
:-)




5 comments:

yomna said...

خبي زي ما تخبي .. مسير المتسخبي يبان .. و داري مهما تداري .. هتيجي في يوم و تعترف و معاك بيان .. و كان لازمتها إيه من الأول .. كل ده لف و دوران

شدتني الجمله دي بطريقه رهيبه بجد
انا كنت هاخدها استاتيس عندي في الفيس بوك بس قولت أستأذن
احم احم هههههههههه
مبروك المدونه يا أيتي :)

Aiaa said...

ههههههههه
خدي و لا يهمك .. :D
الله يبارك فيكي يا يويو
:-)

mira said...

جميله موووووووووت
وانا كمان أخدت بتاع وشوش دي ستايتس بعد اذنك
مبروووووووووووك المدونه الجديده

Aiaa said...

تسلمي يا ميرا ع كلماتك الجميلة دي
و خدي طبعاً كل اللي أنتي عايزاه
الله يبارك فيكي
:-)

marwa altaweel said...

بجد بأمانة كلامك كله تحفه يا آيه ربنا يوفقك يارب plz add me on face if u don't mind i'll be so happy

Post a Comment

Follow by Email

قــآلت آية

quotes Aoty likes


"أرجوك .. لا تتكلف ، يكفيني أن تكون نفسك"— آية الملواني

مُتابعتك شرف =)

There was an error in this gadget

كتابي الأول - تخيل

On Twitter

On Goodreads

الأكثر قراءة

Networked Blogs

اترك رأيك بحرية ، و لن اعرف من القائل

There was an error in this gadget

I ♥ Animations

أنا ♥ صناع الحياة

فذّكر

الناس الي نورتني

Páginas

Powered by Blogger.