شخابيط ع الحيط .. 6
6:22 AM |
Posted by
Aiaa |
Edit Post
شخابيط ع الحيط .. 6
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
سعادة البيه ..
بيقول ما تخافوش ..
و من عسكري ما تترعبوش ..
دول شغلتهم يحشوا الأذى عنكم حوش ..
و أهو كل واحد فيهم زيكم ولابس طربوش ..
مش قلت لكم منهم متخافوش
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
ضحكته مكتومة ..
منها القلوب محرومة ..
و في وجوده ياما نفوس مظلومة ..
و طول دنياتها مهمومة ..
أمنيتها ينام و ما تقومش له قومة
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
ع خط بداية الحياة اتلقوا ..
و في الطريق كتير اتفرقوا ..
ناس تفيد ..
وناس ما ورهاش غير الوعيد ..
و ناس طيبين في حالهم ملهين ..
و في النهاية كلهم من تاني ع خط النهاية
متلاقين
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
حيادي ..
وبحب بلادي ..
و من هنا بنادي ..
بحريتي أنا وأولادي ..
أعيش في الدنيا زي أي مواطن عادي ..
كل أمله مستقبل هادي ..
و ناس يحبهم حب مش عادي
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
مين اللي حط العيب و فرض اللي ما يصحش ..
و عين نفسه أمين ع دنيا مليانة مجانين ..
خبرة حياة قالوها قبلنا العاقلين..
ما يشغلش بالك غير حالك ..
تكسب محبة الناس و تريح بالك
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
آيــة
:-)
Labels:
شخابيط على الحيط
|
0
comments
شخابيط ع الحيط .. 5
10:11 AM |
Posted by
Aiaa |
Edit Post
شخابيط ع الحيط .. 5
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
مع أني بموت في البغبغان ...
في صنف كده من بني الإنسان ..
أستاذة في ترديد الكلام ..
من غير لا فهم و لا استبيان ..
ماتعرفش تفرق بينهم و بين البغبغان ..
روحوا حرام عليكم هتكرهوني في البغبغان
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
بيقولوا متعلمين ..
و كمان متنورين ..
وفي كل حاجة فاهمين ..
مادام كده ..
ما حد يفهمني ..
ليه عندنا ارتفاع كبير في نسبة الطراطير .. !!!
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
جسم شاب بعمر راجل شعره شاب .. و
راجل شعره شاب بعمر شاب ..
و بالنسبة لي ما في عجب ..
صندوق الدنيا عمره ما كان عليه عتب
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
صوتي اتنبح من كتر الكلام ..
كأني بتتكلم و الناس نيام ..
أو ع منبر ببلاد بعيدة موجودة بس في الأحلام ..
و دلوقتي ماعدش عندي كلام ..
في انتظار صوتي يرجع ..
و الناس تبطل تسمع وهي بتنام
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
ضحكتك بتفرحني ..
وبشاشة وشك بتسعدني ..
و أمل ملامحك في الدنيا اكتر بيمسكني ..
ذنبي هيبقى في رقبتك لو يوم كشرت في وشي
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
آيــة
:-)
Labels:
شخابيط على الحيط
|
2
comments
شخابيط ع الحيط .. 4
6:20 PM |
Posted by
Aiaa |
Edit Post
شخابيط ع الحيط .. 4
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
واحشاني الوشوش ..
اللى بالأمل شكلها منقوش . ..
مجرد ما تشوفها تهدى النفوس ..
و تنسى العبوس ..
و تطلق خيالك و تنسى الهموم ..
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
في زمن السحتوت ..
كان نفسي أعيش و أموت ..
أبو قرش يبقى بيه ..
و الجنيه يشترى بلاحدود ..
و البركة موجودة مكان ما تفوت ..
ما تقولي ألاقيك فين يا سحتوت ؟!!؟
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
ياللي دموعك مغرقاك ..
و في الحزن مدوباك ..
خليك قاعد مكانك كده ..
و اهو انت ضامن لك مكان ..
في طابور الميتين ..
اللي عن السعادة مستغنين ..
و مني ليك أحلى وداع و سلام
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
طفلة ..
كل عمرها شوية سنين ..
ليها في الدنيا دي أمل واحد مش اتنين ..
أملها تروح السجن و تبقى من المجرمين ..
يشنقوها لانها فاكرة ...
انها هترتاح من العيشة و اللي عايشين
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
صفحة ورا التانية ..
و لا أنا داريانة بالدونيا ..
حواديت تشيب ..
و أفكار تحير ..
و في الآخر كده..
في صفحة بتقول دي النهاية ..
نهاية الدونيا و لا نهاية عمري و لا ايه الحكاية
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
آية
:-)
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
واحشاني الوشوش ..
اللى بالأمل شكلها منقوش . ..
مجرد ما تشوفها تهدى النفوس ..
و تنسى العبوس ..
و تطلق خيالك و تنسى الهموم ..
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
في زمن السحتوت ..
كان نفسي أعيش و أموت ..
أبو قرش يبقى بيه ..
و الجنيه يشترى بلاحدود ..
و البركة موجودة مكان ما تفوت ..
ما تقولي ألاقيك فين يا سحتوت ؟!!؟
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
ياللي دموعك مغرقاك ..
و في الحزن مدوباك ..
خليك قاعد مكانك كده ..
و اهو انت ضامن لك مكان ..
في طابور الميتين ..
اللي عن السعادة مستغنين ..
و مني ليك أحلى وداع و سلام
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
طفلة ..
كل عمرها شوية سنين ..
ليها في الدنيا دي أمل واحد مش اتنين ..
أملها تروح السجن و تبقى من المجرمين ..
يشنقوها لانها فاكرة ...
انها هترتاح من العيشة و اللي عايشين
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
صفحة ورا التانية ..
و لا أنا داريانة بالدونيا ..
حواديت تشيب ..
و أفكار تحير ..
و في الآخر كده..
في صفحة بتقول دي النهاية ..
نهاية الدونيا و لا نهاية عمري و لا ايه الحكاية
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
آية
:-)
Labels:
شخابيط على الحيط
|
3
comments
شخابيط على الحيط .. 3
12:43 PM |
Posted by
Aiaa |
Edit Post
شخابيط على الحيط .. 3
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
واحشني الأمان ..
و حب الإنسان لأخوه الإنسان ..
الطيبة و الحنان ..
وصدق المشاعر و الكلام ..
أقولكم سلام..
رايحة اقعد لي يومين جمبهم هناك ..
في مدافن الأخلاق
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
ماشية و كلنا ماشين .
في طريق من اتنين ..
و تلاقي شوية كده في الدنيا تايهين..
لا عارفين هما مين ..
و لا هما فين ..
و الغريب انهم ع حالهم ده مبسوطين ... !!!
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
كلهم مولودين طيبين ..
و ع الخير كانو متربين ..
لكن بعد سنين و سنين ..
تبص في وشهم تسأل و تقول ..
هما دول مين ؟!!؟
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
بيقولوا تُبنا من دي النوبة ..
و الغلطة دي ماعدش ليها عودة ..
و آخر مرة تشوفي ده تاني ..
و مع كل دي وعود و كمان شوية أماني ..
مابقتش عارفة العيب من الناس و لا من وداني !!!
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
بلالين و طراطير ..
و طابور أطفال ماسكين زمامير ..
شكلهم بيقول انهم ع أكبر حفلة رايحين ..
و الحقيقة بتقول لا
أنا و لا أنت فاهمين ..
!!! عادي عادي ..
ماهو بينه ده طبع البني آدمين
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
آية
:-)
Labels:
شخابيط على الحيط
|
0
comments
شخابيط على الحيط ..2
4:03 PM |
Posted by
Aiaa |
Edit Post
شخابيط على الحيط ..(2)
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
تحية للحرية ..
اللي شعاراتها ع الحيطان مرمية ..
و ناس حلوين في التليفزيون مرسومين ..
بيغنوا ليها أغاني قومية ..
وحشاني وحشاني يا حرية
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
كلمة تجر التانية ..
بين أتنين بقوا أعداء في ثانية ..
و ناس رايحة و غيرهم جاية ..
بيمثلوا انهم مشغولين في دنيا تانية ..
خلوني افكر اننا ..
نستورد مروءة من البلاد التانية
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
عن الضمير مستغنين ..
و بالفهلوة عايشين ..
فاكرين انهم كده كسبانين ..
و للإحترام مستحقيين ..
و بفلوسهم هيشتروا حتى البني آدمين ..
تصدقوا بجد علىّ صعبانين
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
دندنة روح لروح ..
وفضفضة قلب بصوت مبحوح ..
و أفكار بتيجي و تروح ..
يابسرعة تلحقها ..
يإما منك للأبد هتروح
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
سفينة ركبها كتير ..
و دراعاتهم ع آخرها فاتحين ..
فاكرين انهم بعيد عن الضنك مهاجرين ..
و لدنيا الهنا رايحين ..
غلابة دول و لا ماسكين ..
أصلهم فاكرين انهم ع سفينة نوح مسافرين
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
آيـــة
:-)
Labels:
شخابيط على الحيط
|
0
comments
أفكار للبيع
12:21 AM |
Posted by
Aiaa |
Edit Post
السلام عليكم
أفكـــــــار للبيع .. مجرد ما تنفذها يبقى انت كده سددت تمنها
:-)
°-°-°-°-°-°-°-°-°-°-°-°-°-°
(1)
تبن طفل حولك
كل واحد فينا حواليه في مجتمعه طفل أخوه أخته جاره قريبه ... ألخ
و كلنا كان في تربيتنا أخصاء غير مقصودة من اهلنا .. ده غير المناهج الدراسية العقيمة اللي بيدرسوها
فممكن تساعد الطفل ده انه يكون أحسن .. ممكن تساعده ع حب القراءة
تنمية مهاراته .. اللي غيرك بيقتلوها زي المدرسة و القاعدة الطويلة قدام البلاستيشن
تأخده تفسحه في مكان و تدي له معلومات اثناء الفسحة
تجيب له هدية صغيرة مقابل حاجة ما تتفقوا انه يعملها
أكيد مششرط طفل واحد .. ممكن مجموعة اطفال
°-°-°-°-°-°-°-°-°-°-°-°-°-°
2
الدراسة و الكلية ع الأبواب
فلو انت طالب جامعي .. ممكن في أول الدراسة تدور ع طلبة لسه داخلين الكلية
تأخد بأيهم .. و تعرفهم نظام الكلية
تسقيهم خبرتك اللي أخدتها في الكلية
عن تجربة .. أول الكلية كان بالنسبة لي تشتت و ضياع
فأرجوكم .. خدوا بأيد الطلبة الجدد
و نفس الكلام ينطبق ع مجال العمل
°-°-°-°-°-°-°-°-°-°-°-°-°-°
3
http://www.blindarab.net/view-subcat-1-13.html
دي مقدمة من شبكة الكفيف العربي
ممكن تنزل منه الكتب .. و تقوم بنشرها لأشخاص مكفوفين
او تنشرها لمؤسسات مهتمة بالكفيف و هما بدورهم ينشروها للمكفوفين
و ممكن تسجل انت الكتب بصوتك بمساعدة احدى المؤسسات المعنية الموضوع ده زي
مشروع كتاب الكفيف المسموع
http://www.facebook.com/group.php?gid=130327646224
°-°-°-°-°-°-°-°-°-°-°-°-°-°
4
المناسبات الحلوة .. ربنا يزيدها
في أغلبها بنقدم هدايا لأصحاب المناسبة
فلو ممكن بجزء صغير من تمن الهدية تهدي لصاحب المناسبة كتاب
بجانب الهدية .. هتفرق كتير
°-°-°-°-°-°-°-°-°-°-°-°-°-°
5
لو بتعرف تعمل تصاميم و ليك في شغل الفوتوشوب
ممكن تساعد احدى الجروبات زي جروب
كل يوم .. مقولة في النجاح
http://www.facebook.com/group.php?gid=113742639715
و تعمل لهم تصاميم بالمقولات
°-°-°-°-°-°-°-°-°-°-°-°-°-°
6
أتحاد الفيس بوك لعمل الخير
http://www.facebook.com/group.php?gid=146334747652&ref=mf
المدرب محمد زكريا بدأ المشروع ده
ممكن تساعده بانك لو تعرف مدربين تنمية بشرية توصلهم لهم الفكرة
°-°-°-°-°-°-°-°-°-°-°-°-°-°
7
مما قرأت
http://www.facebook.com/group.php?gid=134505138293
شـــارك من حولك بقراءاتك و كن مرشداً لهم عما قرأت
و هتلاقي نفسه بيحصل معاك .. و بتتفح أمامك أفاق جديدة
°-°-°-°-°-°-°-°-°-°-°-°-°-°
8
فكرة صغيرة بس فايدتها كبير .. كل يوم تعمل مكالمة تليفون تسأل ع حد من اقاريبك معارفك
حد تعرفه و خلاص :D
بتدخل السرور ع قلبه بسؤالك عنه من غير ما يكون فيها مصلحة
°-°-°-°-°-°-°-°-°-°-°-°-°-°
9
لو كنت صاحب علم
ممكن تعمل فصل تنشره فيه علمك
مع أصحابك .. أقاربك .. جيرانك .. او حتى أونلاين
متنساش انه .. زكاة العلم نشره
°-°-°-°-°-°-°-°-°-°-°-°-°-°
10
في بروشورز مفيدة كتير
زي ده
http://img50.imageshack.us/img50/4329/1600x1200pq4.jpg
ده من تصميم فكرة جديدة
بتمني لو تنشروه .. و لو انتم من أصحاب التصاميم
ألاقي حاجات زي دي كتيييييييييييير
°-°-°-°-°-°-°-°-°-°-°-°-°-°
الفكرة الأخيرة
يـــــــــاريت قراءة النوت دي مش تقف عندك
انشرها للكل اللي تقدر تنشرها .. و متنساش انه الدال ع الخير كفاعله
أي حد عايز يضيف أي أفكار .. يبقى شكرا جداً ليه
و قائمة الأفكار قابلة للزيادة
رابط الجروب ع الفيس بوك
http://www.facebook.com/group.php?gid=160027411992&ref=mf
آيـــة
:-)
يُمَنون أنفسهم بأماني حمقاء ..
1:11 AM |
Posted by
Aiaa |
Edit Post
يُمَنون أنفسهم بأماني حمقاء ..
أب مدخن .. يربي أبنائه ع أن التدخين ليس من الخصال الحماد ..
طالباً و آمراً لهم ألا يكون مدخنين .
°-°-°-°-°-°-°-°-°-°-°-°-°-°
أم لمدمن .. تُمَني قلبها و نفسها انه سيترك الإدمان
إعتماداً ع كلمات اخرجها من فمه .. ليتخلص من ضغطها .
°-°-°-°-°-°-°-°-°-°-°-°-°-°
طامع في كرم عبد من العباد .. أو جود أحد البشر
و لم يطمع في كرم المعبود .
°-°-°-°-°-°-°-°-°-°-°-°-°-°
كل من لاحت له بودار مشكلة او كارثة
و فضل تجالها .. و يُمَني نفسه بأنها مجرد هراء.
°-°-°-°-°-°-°-°-°-°-°-°-°-°
من انتظر النجاح .. و بودار الفلاح
نتيجة للفهلوة و الحيلة و الإحتيال .
°-°-°-°-°-°-°-°-°-°-°-°-°-°
من اتسغنى عن الصدقة ..
لكي لا تنقص مالديه من رأس مال .
°-°-°-°-°-°-°-°-°-°-°-°-°-°
من قسا ع من هم دونه ..
ظنناً و تَمنياً .. بأن هذه طريقة كسب الإحترام .
°-°-°-°-°-°-°-°-°-°-°-°-°-°
من أستغنى عن أحبابه .. و ابتعد عن عائلته
طمعاً في التركيز ع تحقيق النجاح .
°-°-°-°-°-°-°-°-°-°-°-°-°-°
آيـــة
:-)
Labels:
حين باحت .. قالت
|
1 comments
شخابيط على الحيط .. 1
12:32 AM |
Posted by
Aiaa |
Edit Post
شخابيط على الحيط .. 1
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
خبي زي ما تخبي ..
مسير المتسخبي يبان ..
و داري مهما تداري ..
هتيجي في يوم و تعترف و معاك بيان ..
و كان لازمتها إيه من الأول ..
كل ده لف و دوران
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
لم هدومه و ماشي خالص ..
و سايب لنا أجمل إحساس ..
فرح و سعد و هنا وسرور ..
ووش منور زي البلور ..
روح ما تغيبش عنا كتير ..
كبير و صغير مستنيك
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
في وشوش من المخ ما تتمحيش..
ووشوش من القلب ما تنسيش..
ووشوش ع ذكراها ناس بتعيش..
ووشوش رحيلها ما يتداويش..
ووشوش بتقرأ دي حروف و عليها ملامح بتقول ..
هو أنا فين من وسط دي وشوش
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
نفسي في قنبلة ..
تعمل بوووم ..
في وش ظالم مشّيل غيره الهم ..
و تأخد في وشها الجبان ..
اللي خايف من نظيره الإنسان ..
و ترحمني من الكائن طويل اللسان
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
أقولك اعمل فىّ معروف ..
و خليها للظروف ..
ع إيه شايل الهم ..
وراكبك ميت غم ..
بص كده حواليك ..
عمرك في يوم شفت طير شايل الهم..
و لا راكبه زيك الغم ..
أوعي تنسى في يوم انه ربك رب كريم
•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••
آيــة
:-)
Labels:
شخابيط على الحيط
|
5
comments
خواطر 5 .. بيديني أمل
7:22 PM |
Posted by
Aiaa |
Edit Post
خواطر 5 .. بيديني أمل
رداً ع كل من أصابهم البرنامج بالإحباط .. إذا سمحتوا أقرأوا النوت دي لآخرها .
رداً ع من سمحوا لخيبة الأمل بالتواجد في قلوبهم .. إذا سمحتوا أقرأوا النوت دي لآخرها .
رداً ع من اتخد مصمصة الشفايف شعار رسمي لمشاهدة حلقات خواطر 5 .. إذا سمحتوا أقرأوا النوت دي لآخرها .
رداً ع كثيرين ... إذا سمحتوا أقرأوا النوت دي لآخرها .
******************
خواطر 5 : يا بخت من بكاني و بكي علىّ و لا ضحكني و ضحك الناس على
بيديني أمل
و بدون أي مبالغات .. البرنامج ده
بيديني أمل
لانه أوضح لنا في كل الحالات انه عندنا الاساس الصح .. بس نستخدمه و نطبقه ...
بيديني أمل
انهم امة بدأوا من لا شئ و اصحبوا هكذا
بيديني أمل
لانه العبقرية العربية لا تقل عن العبقرية اليابانية في شئ
بيديني أمل
نهضة ماليزا ع يد مهاتير محمد كانت عن طريق المتابعة لمن تقدموا قبله .. فلما لا نكون مثل مهاتير محمد
بيديني أمل
لانه في شباب بيفرجوا ع البرنامج ده و مش عاجبهم الحال و عايز يغير .. و بيبدأ بنفسه
بيديني أمل
لانه بدأت أشوف الناس حواليا بيحاولوا يطبقوا ما يدعوا إليه بحلقاته ..
بيديني أمل
لما بشوف الناس هنا ع الفيس بتعمل بوست له كتير
بيديني أمل
لانه البرنامج نفسه نوع من الابداع و الدليل انه أثار المشاعر بطريقة لا توصف
بيديني أمل
لانه الحديث عنه اصبح اكثر من الحديث عن المسلسلات ..
هذا ما لمسته من خواطر5 و مألني بالأمل
و أنتم ماذا لمستم منه يعطيكم الأمل و يزيده لدي ؟
خواطر 5 بيديني أمل .. و يملأني به
ارفع لهم القبعة احتراما أحمد الشقيري و فريق عمل خواطر 5 ..
آيــة
:-)
Labels:
حين باحت .. قالت
|
0
comments
Subscribe to:
Posts (Atom)
القائمة البريدية
Subscribe to my Newsletter
قــآلت آية
مُتابعتك شرف =)
On facebook
On Twitter
الأكثر قراءة
-
شخابيط ع الحيط ..8 متقولش اتأخر أوان كلامك .. و لا ضاع أملك و إلهامك .. لسه باقي العمر أمامك .. لوحة فاضية تلونها بأحلامك ... ت...
-
50 نصيحة لك قبل أن تكبر. 1- ابدأ في أكتشاف مواهبك مبكراً. 2- اتخذ صديقاً يختلف عنك في الجنس أو الدين. 3- حاول أن تصل إلى الأع...
-
عش رمضانك ، بصحبة شخصية عظيمة ~ نويت بإذن الله أعيش مع شخصية إسلامية في رمضان لخليفـة عمر بن عبدالعزيز - رضي الله عنه ♥ ♥ إختر شخصيتك...
-
اللمبة بتعمل إيه ؟ . بتنور في الأماكن الضلمة بتدي أمل في نهاية الممر الضيق الكئيب بتأخذ الكهربا ، و تنتج نورها بنفسها ما ب...
-
ألم تقابل .. أحد الرائعين المجهتد بشدة لكي يجعلك تبتسم؟ ألم .. تحبه بلا سبب؟ ألم .. تفضله على الآخرين ؟ ~ ببساطة .. لو أخدت على عاتقك...
-
إقتراح للطلبة في الجامعات ، لو ممكن تكتب على البورد اللي الدكتور بيشرح عليه أو في مكان ظاهر جمبها اللي بيبص على البور...
-
فهى أمور صغيرة ، تُحي و تُميت علاقات كبيرة 1- البسمة . 2- السؤال عن الغائب . 3- عيادة المريض . 4- كلمة شكرًا . 5- الإحساس بالتقدير . ...
-
I ♥ Me بشوف كتير و كتير .. للأسف أول حاجة الواحد بيكرها نفسه لو قادر تقرأ كلامي دلوقتي .. يبقى ربنا كرمك و خالاك بنى آدم تقوم تيجي أنت تح...
-
~ أعطني سبباً ، أعطيك فعلاً .. يبــ هــرك !! ~ أعطني أملاً ، أعطيك غد .. رائــ ـــع !! ~ أعطني علماً ، أعطيك أمة .. ...
-
سلام عليكم من سنة تقريباً .. كنت كتبت أفكار للبيع ردود الفعل اللي وصلتني عليها و الأماكن اللي كتبت عنها خلت أفكار تاني تجي تدق الباب يارب ...
تصنيف البوست
- أبجدية إنسان (3)
- أرشح لكَ (11)
- أفكار للبيع (27)
- تخيل (1)
- حين باحت .. قالت (70)
- شخابيط على الحيط (19)
- قـرأتُ لـك (14)
- من هنا ، وهناك (4)
Networked Blogs
اترك رأيك بحرية ، و لن اعرف من القائل
الناس الي نورتني
Páginas
Powered by Blogger.