PostHeaderIcon أفكـــار للبيع .. كلاكيت تاني مرة



سلام عليكم


من سنة تقريباً .. كنت كتبت أفكار للبيع
ردود الفعل اللي وصلتني عليها
و الأماكن اللي كتبت عنها
خلت أفكار تاني تجي تدق الباب

يارب يفيدوا ..


:::::::::::::::::::::::

هات ورقة و قلم

أكتب فيها لستة بعشرة أشخاص حواليك
كل ما تشوفهم .. تحمد ربنا انك أنت هو أنت


°-°-°-°-°-°-°-°-°-°-°-°

و نفس القلم و ورقة كمان

و لستة بردوا باسم عشرة أشخاص تعرفهم شخصياً
يشرحوا القلب كدا .. و يخلوك تتعب و تشتغل أكتر
الناس المحفزين دول .. وجودهم مثمر جداً في حياة الفرد


°-°-°-°-°-°-°-°-°-°-°-°

لو حاسس بالوحدة .. ممكن تشتري لنفسك دبدوب كبير
و حطه ع سريرك .. بيفرق جامد

°-°-°-°-°-°-°-°-°-°-°-°

كبسولة التحفيز .. دي عبارة عن نوت
او مفكرة صغيرة
بتجمع فيها كلمات الشكر اللي اتقالت لك
و بترجع لها لما معنوياتك بتهبط

°-°-°-°-°-°-°-°-°-°-°-°


و لإنه مساعدة الآخريين هو نوع من رد اللي بنأخده من الدنيا
الجمعيات الخيرية و الملأجي و منظمات الإغاثة
موجودين كتير
هناك هتلاقوا إحساس .. من اعظم ما يمكن انه يتحس


°-°-°-°-°-°-°-°-°-°-°-°

تعمد أنه توثق أحداث حياتك بالصور أو باي وسيلة تفضلها
لانه لما ترجع لها .. لو ذكرى حلوة .. هتحن لها
و ع إيديها تحب الحياة أكتر
و لو مش حلوة .. هتحمد ربنا اوي أنها عدت
و تؤمن أوي إنه مافيش حاجة مستاهلة
و كله بيعدي .. أه و ربنا بيعدي
°-°-°-°-°-°-°-°-°-°-°-°

خد أي طفل من عيلتكم ..
و انزل روح بيه جنينة الحيوانات
هترجع ناسي الدنيا باللي بيها


°-°-°-°-°-°-°-°-°-°-°-°

خلي المقربيين منك .. يشتروا لك هدية مجمعة
شعور جميل اوي .. انه كل دي ناس بتحبها
موجودة جوا الهدية دي

°-°-°-°-°-°-°-°-°-°-°-°

أعمل ورشة ... او حلقة نقاش
لكتاب اثر في حياتك
متبخلش ع الناس باللي اتعلمته


°-°-°-°-°-°-°-°-°-°-°-°

و آخر حاجة ..
ممكن أدويـتـك الـقـديـمـة...بـدل مــا تـرمـيـهـا...عــالــج مـريـض بـيـها
http://www.facebook.com/event.php?eid=124652977572027

°-°-°-°-°-°-°-°-°-°-°-°

النوت القديمة هنا اهي
http://www.facebook.com/note.php?note_id=139825507438


الجروب الجديد .. لأنه القديم شبه كومبليت

http://www.facebook.com/group.php?gid=130343230339187&ref=mf

:::::::::::::::::::::::



و شير بقى يا بشر
"زكاة العلم نشره "


آية الملواني
3/7/2010

:)


6 comments:

سمع هوص (Abo 3li) said...

اول مرة اعلق عندك... وان شاء الله مش الاخيرة...
انا متفق معاكي ومعجب بكل القلتيه..
ماعدا حاجة واحدة...
موضوع الدبدوب ده...
بزمتك هيبقي شكلي ايه وانا منيم جنبي دبدوب!!!!
ده مفاية التريقة ال هخدها وانا بشتريه اصلا!!!! هههههههههههه...

تحياتي...

نادر said...

ماشاء الله ..... معلومات بالهبل
حكم ومعلومات وأفكار وتفاؤل ونصح وحاجات حلوة كتير
أنا وقعت على مدونة على بابا ولا إيه؟

ربنا يبارك ف حضرتك
وإلى الأمام دائماً ..... بالنجاح والتوفيق إن شاء الله

سمو الامير said...

أفكار جميلة

عجبني منها كذا حاجة كده

وان شاء الله اطبقهم

شكرا كتير :)

أع ـقل مـ ج ـنـونــة said...

آيــه ..

بجد بحبك في الله

انتي دائما مبدعه ومحبة للعلم ونشره ولكل الحاجات المفيدة

جزاكي الله خيرا

إبن سليمان said...

أفكار جميلة جدا
شكرا عليها

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول
غلا الروح
شات غلا الروح
شات صوتي
شات مغربي

Post a Comment

Follow by Email

قــآلت آية

quotes Aoty likes


"أرجوك .. لا تتكلف ، يكفيني أن تكون نفسك"— آية الملواني

مُتابعتك شرف =)

There was an error in this gadget

كتابي الأول - تخيل

On Twitter

On Goodreads

الأكثر قراءة

Networked Blogs

اترك رأيك بحرية ، و لن اعرف من القائل

There was an error in this gadget

I ♥ Animations

أنا ♥ صناع الحياة

فذّكر

الناس الي نورتني

Páginas

Powered by Blogger.