PostHeaderIcon شخابيط ع الحيط ..14


شخابيط ع الحيط ..14



وشوش الناس
دي حكاية ..
متاهة
و ملهاش نهاية ..
تلف و تدور
و لا تلاقي لها حتى بداية ..
و لكل تجعيدة
يجي ألف رواية ..
و عليها الزمن
راسم أمل ..
حبة ندم ..
و عيون مليانة
ضحك و شجن



غيظ في عدوك
و احرق دمه ..
انجح أكتر تزود همه ..
عامله كويس و انسف أمله ..
نَور أكتر و زود ملله ..
و اشفق عليه من سوء عمله




أخرم خرم جوا الحيطة ..
أعمل زيطة ..
عني سعيدة ..
شجع نفسك
بحاجة مفيدة ..
لو زعلتك مد لي إيدك ..
و افتح عندك صفحة جديدة



الإحباط ..
كائن مش لطيف ..
وجوده ع القلب غير خفيف ..
ليه طلة شرير مخيف ..
قاعد في حياتك
و انت فاكراه حيوان أليف ..
مش كفايا كده ،
جه معاد التنضيف




وشوش مرسومة بالفرحة ..
تلاقيها معجونة بالبسمة ..
و في رقتها فاقت النسمة ..
وشوش طاهرة و برئية ..
ما تعرفش تقول غير الحقيقة..
قدامها السنة تعدى كأنها يدوب دقيقة


آية الملاواني :)


1 comments:

Ahmed said...

جميلة جدا جدا
تسلم ايدك
*

Post a Comment

القائمة البريدية

Subscribe to my Newsletter

قــآلت آية

quotes Aoty likes


"أرجوك .. لا تتكلف ، يكفيني أن تكون نفسك"— آية الملواني

مُتابعتك شرف =)

كتابي الأول - تخيل

On Twitter

On Goodreads

الأكثر قراءة

Networked Blogs

اترك رأيك بحرية ، و لن اعرف من القائل

I ♥ Animations

فذّكر

الناس الي نورتني

Páginas

Powered by Blogger.