To Be Unique
3:19 PM |
Posted by
Aiaa |
Edit Post
To Be Unique
تغريداتي على الهاش تاج دا
#ToBeUnique
- اقرأ كل يوم ، و لو مجرد صفحات
قليلة
- خليك أونلاين على ماسنجر الحياة
.. غيابك عنها لا يجعلها تتوقف .. فالأحرى بك ان تتابعها انت
- تذكر
انه بالادب يمكنك أن تكسب أي حد
- آمن
بنفسك أولاً قبل أن تنتظر أن يؤمن بها آخرون
- في
خلافاتك .. تذكر قوله تعالى " ادفع بالتي هى احسن فإذا الذي بينك و بينه
عداوة كانه ولي حميم "
- انتقى نوعية ما تقرأ
- لا
تعش دون رسالة و رؤية واضحين
- لا
تصدق أو تكذب أي شئ مما تسمعه ، و لكن تعلم أن تتقص بنفسك
- تذكر
اننا كلنا نكمل بعضنا في الإنسانية ، و لكن مهم ايضا ألا تقلد أحدهم
- تذكر
أنه الحيادية شئ من الانانية و الجبن , و شمس الحق واضحة دومًا لما يبحث عنها
بحق
- تأمل
في التاريخ جيدًا
- قاطع
التليفزيون
- تعلم
قول كلمة لا
- امتلك
حلما و هدفا و ارادة ،،، و الأهم حرية فكر
- لا
تجعل الإجتماعيات المزيفة تأخذ منك أكثر مما تعطيك
- تذكر
أنك قدوة لشخص ما على وجه الأرض ، إن كنت لم تعلم بعد من هو
- تذكر
دومًا ان زكاة العلم نشره ، لا توقف أي شئ عندك ابدا
- في
أحاديث للرسول فيما تخص معاملات الأفراد فيما بينهم .. اعتقد انه تطبيق و لو
واحد منهم هيفرق جدا
- أنت
أملك الوحيد ، لا تستمد معنوياتك المرتفعة من أحدهم .. اصنعها لنفسك
- خد
عهدا على نفسك برسم ابتسامة يوميًا على وجه أحدهم
- اتفرج على كارتون ، و اتعلم منه
- اتفرج على pay
it forward و نفذ فكرته بطريقتك
- مهما
حدث .. لا تجعلهم يسلبون حبك لبلادك و دينك و للحياة منك
- أجعل
دوما في حياتك أشخاص أفضل منك
- صادق
الورقة القلم ، مهما خذلك بشر هم لن يخذلوك ابدًا
- قبل
أن تحكم على أحدهم .. ضع نفسك مكانه و تذكر امكانية حدوث هذا .. الدنيا ليست
دائمة على حال
- قراءة
آية قرآنية بتدبر و تنفذيها ، افضل من قراءة جزء لا يطبع باي شئ على حياتك
- قبل
أن تطلب صورة مع أحد العظماء ، تسأل .. لماذا لستُ أنت العظيم الذي تطلب
الناس صورة معه ؟
- دع للآخرين بحياتك الفراغ
ليكونوا كما يريدون .. و لن يهربوا منك ابدًا
- تذكر
أن : خير الكلام ما قل و دل ، و أن الوقت كالسيف إن لم تقطعه قطعك
- لم
يجعل الله بصماتنا مختلفة عبثًا ، واحد من الدلائل على أنه كل إنسان مميز عن
الآخرين لو اجتهدوا في ان يكونوا انفسهم
- أي
فكرة و إن كانت ساذجة قدسها حين تأتيك .. و إن لم تحترم الساذجة فلا تنتظر
العظيمة أن تأتيك أبدًا
- الحب يسحر أي شئ ، حتى يمكن
للأشياء المادية أن تحبنا .. إن أحببناها بصدق
- إن سعيت للدنيا غالبا ستعاندك كثيرًا .. اسع للآخرة و
ستأتيك الدنيا راغمة
- تذكر
مبدأ غاندي الشهير .. كنت أنت التغير الذي تريد أن تراه في العالم
- فتش دومًا عن من يحتاج مساعدتك -
ليست مادية - .. و سيأتيك دومًا من يساعدك قبل ان تطلب
Labels:
حين باحت .. قالت
|
7
comments
أنت ، و الصراط !
9:46 PM |
Posted by
Aiaa |
Edit Post
أنت ، و الصراط !
قبل ما تختار مصلحتك و لا مصلحة بلدك !
قبل ما تتهم ناس شريفة متمرمطة في الشوراع و انت قاعد تحت بطانية بيتكم !
قبل ما تسمح لاي حد مهما كان انه يلعب لك في تفكيرك !
قبل ما تكون بغبغان بتردد كلام و خلاص من غير ما تتقصى !
قبل ما تختار تبقى سلبي و تقعد جمب الحيط علشان تبقى اول واحد تقع عليه !
خليك فاكر : أنه كل واحد هيعدي على الصراط لوحده
و الله العظيم لوحده هو و عمله و بس !
Labels:
حين باحت .. قالت
|
1 comments
لو أنت حر !
10:17 PM |
Posted by
Aiaa |
Edit Post
لو أنت حر !
لو أنت حر ، مكنتش ترضى لبنت تتضرب كدا حتى لو كانت لابسة مني جيب .
~
لو أنت حر ، مكنتش هتقعد تفكر هىّ البنت دي صح و لا غلط .
~
لو انت حر ، مكنتش هتستنى الموقف دا علشان تبدأ تتفذلك - عن جهل شنيع - ، كنت هتتعلم و تعرف و تدرس .. و في المواقف دي تقول رأي يفيد.
~
لو أنت حر ، عنيك هتدمع من الخجل و العجز بسبب للي حصل للبنت دي .
~
لو أنت حر ، هتبحث عن نقاط الإتفاق الواضحة مثل الشمس ..
و ليس البحث بخرم ابرة عن نقاط الإختلاف و التعجيز للآخر .
~
!لو أنت حر ، مش هيفرق معاك غير العرض ، و الحق ، و العدل .. أيًا كان مع مين .
~
لو أنت حر ، كنت هتحس يعني إيه دم مغرق الأسفلت .
~
لو أنت حر ، كنت هتتقهر من مرارة أم ملحتقش تشوف ابنها معاه شهادة بكاليورسه .
~
لو أنت حر ، هتعرف يعني ايه طفل في الشارع بيحاول يجيب حق أخوه اللي استشهد .
~
لو أنت حر ، الناس المتمرمطة في الشوراع علشان عايزة تجيب لك حقك و انت متهني في بيتك ..
.كنت هتدعي لهم في كل صلاة ، أو على الأقل تصمت .
~
لو أنت حر ، الآية دي " يذَبّحُونَ أبْناءَكُمْ وَيَسْتَـحْيُونَ نِساءَكُمْ " عمرها ما هتعدي عليك مرور الكرام .
لو انت حر ، لن تقبل إلا أن يعامل الآخر بحرية .
عزيزي ، للاسف لست أبدًا بحر .
~
انا لا مستنية لايك ، و لا كلمة شكر .
مستنية لو عجبك أنه تعمل له شير يمكن يفرق مع حد .
لو مع عجبكش تبقى تتصرف برقي و تحترم رأيي و تقفل الصفحة بهدوء .
Labels:
حين باحت .. قالت
|
3
comments
رقم تليفون
2:35 PM |
Posted by
Aiaa |
Edit Post
هىّ ممكن تكون فكرة مكررة
و لكنها مؤثرة جدًا
أي رقم تليفون يجي في طريقكم
احتفظ بيه ، حتى لو مش محتاجه النهاردا
ثق انك هتحتاجه مستقبلًا
=)
Labels:
أفكار للبيع
|
4
comments
بلاي ليست .. cheer up
11:46 PM |
Posted by
Aiaa |
Edit Post
بلاي ليست على الجهاز بتاعك
ترفع المعنويات كدا
ممكن تكون ميوزك ، قرآن ، أغاني محفزة ، شعر
هى تلاقيك لما معنويات تهبط بسبب الغم اللي مالي الانترنت
شغلها او ما تقعد عليه
حتى لو مش مركز معاها
مرة واحدة في النص هتلاقيك معاها
و بترفع و لو جزء ضئيل من المعنويات
انا البلاي ليست بتاعتي .. اسمها
cheer up
و انت بتاعتك اسمها ايه ؟
Labels:
أفكار للبيع
|
1 comments
عارفة يعني إيه إحنا أصحاب ؟
10:27 PM |
Posted by
Aiaa |
Edit Post
عارفة يعني إيه إحنا صحاب ؟
يعني تطلعي فرمان إنه لو عايزة انكد
انكد معاكي انتِ بس
علشان صورتي تفضل حلوة قدام الناس
♥
عارفة يعني إيه إحنا أصحاب ؟
يعني تحطي لىّ كلمة توجع في وسط كلامك معايا
علشان تفوقيني عن حاجة غلط انا بعملها
♥
عارفة يعني إيه إحنا أصحاب ؟
يعني لما اقولك انا نجحت و جبت جيد جدًا
تردي علىّ : بس في عيني أنا إمتياز
♥
عارفة يعني إحنا أصحاب ؟
يعني لما الاحداث تخلي مخي يشل عن التفكير
اجيبك تفكري لىّ بصوت عالي
♥
عارفة يعني إيه إحنا صحاب ؟
يعني تقولي لىّ إنك نفسك تخلفي بنوتة
علشان تسميها على اسمي
♥
عارفة يعني إيه إحنا أصحاب ؟
يعني مهما تلف الدنيا بينا و نبعد عن بعض
أول ما يبقى في مشكلة ،
أنا أول حد يترفع عليه سماعة التليفون
♥
عارفة يعني إيه إحنا صحاب ؟
يعني تشكري فىّ قدام حد من اهلى
و انا اعرف بعد كدا صدفة
♥
عارفة يعني إيه إحنا أصحاب ؟
يعني لما اغلط و آجي اتأسف لك
تقولي لىّ : اسفك مرفوض ،
لاني بحبك لدرجة تخليكي ماينفعش تتأسفي
♥
عارفة يعني إيه إحنا أصحاب ؟
أول ما أقولك ألو على التليفون
ألاقي فصل كامل من الاطفال بيقول
We love Aiaa
♥
عارفة يعني إيه إحنا أصحاب ؟
يعني لما اتعصب عليكي
تلتمسي لي ميت عذر
و تعتذري لنفسك نيابة عني
♥
عارفة يعني إيه إحنا صحاب ؟
يعني تبطلي تعملي الموبايل سايلنت و انتي نايمة
علشان انا ممكن اكلمك أخد رأيك في حاجة هبلة
♥
عارفة يعني إيه إحنا أصحاب ؟
يعني مهما حاولت أخبي عليكي مصيبة انا عملاها
اول ما يجي وشي في وشك ..
أقر بكل حاجة
:D ♥
عارفة يعني إيه إحنا أصحاب ؟
يعني تبقي في عيني :
احلى حاجة ممكن تحصل في حياة أي بني آدم
♥
عارفة يعني إيه إحنا أصحاب ؟
يعني استمتع بإني انكش فيكي على الفون
لحد ما تهدديني انك هتقفلي السكة في وشي
:P :D ♥
عارفة يعني إيه إحنا أصحاب ؟
يعني بحبك لدرجة :
إنه و إحنا متخانقين أفضل احلم بيكِ
♥
العنوان على منوال عارفة يعني إيه بحبك ؟ .. عن صفحة
Labels:
حين باحت .. قالت
|
28
comments
سيدي المجلس : تناقضاتك ساذجة
11:09 PM |
Posted by
Aiaa |
Edit Post
سيدي المجلس : تناقضاتك ساذجة
ان يقول عنكم سيد الخلق أنكم خير أجناد الأرض .. و تقتلون شعبكم
ان تكون مهمتكم الأولى الحدود :
حين تبداون في القتل تتناسون ان العدو الحقيقي خارج الحدود و تبدأون بقتل من بداخل الحدود
ان يتخذل أحدهم لأحداث هدنة عن القتل ، و بعد ما يقرب من ساعة تنفض من قبلكم
و قتها اكتشفت ان أمي أما كاذبة أو مخدوعة حين علمتنا منذ الصغر ان الجيش للرجال
و ان أرجح الثانية أكثر
ان تسمي القتلى في عهد مبارك شهداء و في عهدكم ضحايا
ان تتاسف لموت الشهداءو تنهي خطابك لتغطي أوامرك التي تضيف اليهم دستة شهداء جدد
ان تتحدث عن اقتصاد البلد و ان ما يحدث سببا في أضعافه :
- أولا لن يخاف أحد على اقتصاد البلاد كالذي خرج من بيته مستعد للتخلي عن روحه أكراما لبلاده
- ثانيا : الملايين من شتى العملات التي تصرف لشراء سلاح لتقتلوا به أصحاب النقود .. إلا يزهق ما بقى من روح الإقنصاد
الدماء التي تسيل في عروقكم .. مصرية
و الدماء التي تسيل في شوارع مصر .. مصرية أيضا
و لكن شتان !!!
Labels:
حين باحت .. قالت
|
3
comments
مُجرد آراء
3:03 PM |
Posted by
Aiaa |
Edit Post
كل ما أكتبه ..
ليس بصواب و ليس بخطأ ،
إنما هى مُجرد آراء شخصية
قد يناسبك جزء منها أو لا يليقُ بك ..
و لكني في كل الأحوال اتمنى أن تجد خاصتك
=)
Labels:
حين باحت .. قالت
|
7
comments
عن جمعية رِسالة
4:54 PM |
Posted by
Aiaa |
Edit Post
عن جمعية رِسالة
فرع رسالة في محافظتي .. أكثر من مرة سمعتها بإنه "بيطفش المتطوعيين"
و أنا كآية جربتها بشكل شخصي
كنت اعتقد انها حالة فردية لمحافظة واحدة
لكن المؤلم إنه كلام مشابه له
قيل لىّ عن أكثر من فرع لها في أكثر من محافظة
و إختصارًا للقيل و القال :
الهدف من التدوينة دي ليس مهاجة رسالة باي شكل من الاشكال - لاني أقل بكتير انه اهاجم عمل جليل زي دا -
الهدف من كتابتها لعلّ صوتي يجد طريق لأحد المسؤلين في رسالة المركزية لإصلاح بعضُ مما يحدث
و دام العطاء مُتعتهم =)
للمُغردين الجُدد
12:39 PM |
Posted by
Aiaa |
Edit Post
للمُغردين الجُدد
- البلوك .. لو عملت بلوك لحد هيفضل بردوا يشوف البروفايل بتاعك و هيقدر يعمل لك منشن كمان .. بس انت مش هيوصلك اي حاجة منه .
- DM = Direct Messages
- علشان تبعت لحد دايركت مسج لازم يكون هو متابعك .. ممكن يكون هو متابعك و انت مش متابعه و في الحالة دي هو مش هيعرف
يرد عليك
- لو انت عامل في الحساب بتاعك Protected Tweets
لو علمت لشخص منشن و هو مش متابعك .. المنشن بتاعه مش هيوصله
- #FF Follow Friday
الهاش تاج دا بنستخدمه في ترشيح الناس اللي تستحق المتابعة
- من الحاجات اللي بحبها في تويتر انه ممكن تغير الثيم على حسب المود .. و اكتر المواقع اللي بتقدم كمية كبيرة منهم .. هنا
- ركز في الناس اللي بتعمل لهم فلو .. لانه التايم لاين بيظهر عليه كل حاجة
فلو انت عامل فلو لناس و خلاص مش هتستفيد من متابعتها يبقى بتضيع على نفسك وقت
دا غير انه مع الفلونج الكتير .. المنظر ع التايم لاين يبقى جنوني
~
بعد ما عرفت الحاجات دي
اكتشفت انها موجودة على مدونات كتير
بس بردوا كان لازم اقولها
:D ^^
عَنْ أنْ تَكون أَنتْ !
12:44 AM |
Posted by
Aiaa |
Edit Post
عَنْ أنْ تَكون أَنتْ !
يبدأ و ينتهي العالم عندك !
تشرق و تغرب شمس أيامك بك !
بكَ تعود بعض المعجزات الغائبة !
تَتَوحد لأجلك الظروف !
تَتَأتى إليك الحلول !
عَنْ أنْ تَكون أَنتْ ،
لأحُبك أنا !
♥
Labels:
حين باحت .. قالت
|
21
comments
أبجدية إنسان - ث
6:57 PM |
Posted by
Aiaa |
Edit Post
أبجدية إنسان =)
-ث-
ثغرة يمر منها النور للأجيال القادمة
ثقافته أسلوب حياة
ثمار خير متناثرة بأنحاء المعمورة
ثِقة عمياء
ثعلب مع أعداءه
ثروة لبلاده و للإنسانية
ثورة لحق بلاده و حق الإنسانية
^^
كُلنا لَبِنة !
1:31 PM |
Posted by
Aiaa |
Edit Post
كُلنا لَبِنة !
كُلٌ مِنا لَبِنة في جدار الإنسانية ..
فهل سَعينا بالسلام لها ؟
كُلٌ مِنا لَبِنة في جدار بلاده ..
فهل عملنا من أجل نهضة لها ؟
كُلٌ مِنا لَبِنة في جدار بيته ..
فهل جلبنا الحبَ لهم ؟
كُلٌ مِنا لَبِنة في جدار معارفه ..
فهل كُنا شمس لهم ؟
كُلٌ مِنا لَبِنة في جدار دينه ..
فهل كنا نماذج فخر له ؟
كُلٌ مِنا لَبِنة في جدار تخصصه ..
فهل حَلمنا بنوبل له ؟
كُلٌ مِنا لَبِنة في جدار أحباءه ..
فهل إحتضننا أحزانهم ؟
كُلٌ مِنا لبنة .. و كُلٌ مِنا مسئول .. و كُلٌ مِنا مؤثر .. و كُلٌ مِنا مهم
و كُلٌ مِنا يلزه إيمانه بكونه لبنة مهمة في جدار الإنسانية
Labels:
حين باحت .. قالت
|
7
comments
Subscribe to:
Posts (Atom)
القائمة البريدية
Subscribe to my Newsletter
قــآلت آية
مُتابعتك شرف =)
On facebook
On Twitter
الأكثر قراءة
-
إقتراح للطلبة في الجامعات ، لو ممكن تكتب على البورد اللي الدكتور بيشرح عليه أو في مكان ظاهر جمبها اللي بيبص على البور...
-
عش رمضانك ، بصحبة شخصية عظيمة ~ نويت بإذن الله أعيش مع شخصية إسلامية في رمضان لخليفـة عمر بن عبدالعزيز - رضي الله عنه ♥ ♥ إختر شخصيتك...
-
50 نصيحة لك قبل أن تكبر. 1- ابدأ في أكتشاف مواهبك مبكراً. 2- اتخذ صديقاً يختلف عنك في الجنس أو الدين. 3- حاول أن تصل إلى الأع...
-
ألم تقابل .. أحد الرائعين المجهتد بشدة لكي يجعلك تبتسم؟ ألم .. تحبه بلا سبب؟ ألم .. تفضله على الآخرين ؟ ~ ببساطة .. لو أخدت على عاتقك...
-
شخابيط ع الحيط ..8 متقولش اتأخر أوان كلامك .. و لا ضاع أملك و إلهامك .. لسه باقي العمر أمامك .. لوحة فاضية تلونها بأحلامك ... ت...
-
I ♥ Me بشوف كتير و كتير .. للأسف أول حاجة الواحد بيكرها نفسه لو قادر تقرأ كلامي دلوقتي .. يبقى ربنا كرمك و خالاك بنى آدم تقوم تيجي أنت تح...
-
~ أعطني سبباً ، أعطيك فعلاً .. يبــ هــرك !! ~ أعطني أملاً ، أعطيك غد .. رائــ ـــع !! ~ أعطني علماً ، أعطيك أمة .. ...
-
~ إحترم ألمك أخبر من يجرحونك عنه ، دعهم يأخذون نصيبهم منه فمازلنا من أبناء جنس واحد و مازال يؤلمهم جرحـ هم للآخريين ~ إحترم أل...
-
مُنهك ومُنتهك ~ مُنهك .. من طواحين الحياة . ومُنتهك .. من الآخرين غير القابلين للإرضاء. ~ مُنهك .. من التخطيط لــِ الغ...
-
عارفة يعني إيه إحنا صحاب ؟ يعني تطلعي فرمان إنه لو عايزة انكد انكد معاكي انتِ بس علشان صورتي تفضل ح...
تصنيف البوست
- أبجدية إنسان (3)
- أرشح لكَ (11)
- أفكار للبيع (27)
- تخيل (1)
- حين باحت .. قالت (70)
- شخابيط على الحيط (19)
- قـرأتُ لـك (14)
- من هنا ، وهناك (4)
Networked Blogs
اترك رأيك بحرية ، و لن اعرف من القائل
الناس الي نورتني
Páginas
Powered by Blogger.