PostHeaderIcon شخابيط ع الحيط .. 7


شخابيط ع الحيط .. 7


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

بالمناظر مخدوعين ..
و بالشكل موهمين ..
و نسيوا انه أسيادهم كان للغنم راعيين ..
و للمهن الحرفية عاملين ..
تصدقوا انكم بجد صعبانين عليّ يا بني آدمين


"سيدنا داود كان حداداً .. سيدنا زكريا كان نجاراً .. سيدنا إيدريس كان خياطاً
و كل الرسل رعوا الغنم"

•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

في صيوان العزا ناس مرسومين ..
وفي شرب قهوتهم منسجمين ..
و في الحكاوي منطلقين ..
أقولك أسألهم كده ...
هو الميت كان مين ؟!!؟


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

عـــايزة سدادت للودان ..
لكل ما هو سلبي و هدام ..
أو ممكن نجيب خيط بالألوان ..
لناس عندها طول في اللسان ..
يعني حل كده من الاتنين ..
يرح الناس العايشين


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

سنين فاتت ..
حلاوة أيامها تاهت فى وسط شدتها ..
وجمالها اتطفي من شدة قسوتها...
و لحد امته هتفضل دى سنتها ...
ياما نفسي أعرف ايه اخرتها


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

ياللي ماشي بتقول يا أرض ..
اتهدي ما اتوجد عليكي لي ند ..
و لا ترابك شاف لي زي ..
مالكش عندي غير كلمة واحدة بس ..
من كل قلبي بقولك فيك طظ


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••



آيــة

:-)

PostHeaderIcon شخابيط ع الحيط .. 6


شخابيط ع الحيط .. 6

•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

سعادة البيه ..
بيقول ما تخافوش ..
و من عسكري ما تترعبوش ..
دول شغلتهم يحشوا الأذى عنكم حوش ..
و أهو كل واحد فيهم زيكم ولابس طربوش ..
مش قلت لكم منهم متخافوش

•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

ضحكته مكتومة ..
منها القلوب محرومة ..
و في وجوده ياما نفوس مظلومة ..
و طول دنياتها مهمومة ..
أمنيتها ينام و ما تقومش له قومة

•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

ع خط بداية الحياة اتلقوا ..
و في الطريق كتير اتفرقوا ..
ناس تفيد ..
وناس ما ورهاش غير الوعيد ..
و ناس طيبين في حالهم ملهين ..
و في النهاية كلهم من تاني ع خط النهاية
متلاقين

•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

حيادي ..
وبحب بلادي ..
و من هنا بنادي ..
بحريتي أنا وأولادي ..
أعيش في الدنيا زي أي مواطن عادي ..
كل أمله مستقبل هادي ..
و ناس يحبهم حب مش عادي

•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

مين اللي حط العيب و فرض اللي ما يصحش ..
و عين نفسه أمين ع دنيا مليانة مجانين ..
خبرة حياة قالوها قبلنا العاقلين..
ما يشغلش بالك غير حالك ..
تكسب محبة الناس و تريح بالك

•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••

آيــة

:-)

PostHeaderIcon شخابيط ع الحيط .. 5


شخابيط ع الحيط .. 5


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


مع أني بموت في البغبغان ...
في صنف كده من بني الإنسان ..
أستاذة في ترديد الكلام ..
من غير لا فهم و لا استبيان ..
ماتعرفش تفرق بينهم و بين البغبغان ..
روحوا حرام عليكم هتكرهوني في البغبغان


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


بيقولوا متعلمين ..
و كمان متنورين ..
وفي كل حاجة فاهمين ..
مادام كده ..
ما حد يفهمني ..
ليه عندنا ارتفاع كبير في نسبة الطراطير .. !!!



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


جسم شاب بعمر راجل شعره شاب .. و
راجل شعره شاب بعمر شاب ..
و بالنسبة لي ما في عجب ..
صندوق الدنيا عمره ما كان عليه عتب



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


صوتي اتنبح من كتر الكلام ..
كأني بتتكلم و الناس نيام ..
أو ع منبر ببلاد بعيدة موجودة بس في الأحلام ..
و دلوقتي ماعدش عندي كلام ..
في انتظار صوتي يرجع ..
و الناس تبطل تسمع وهي بتنام



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


ضحكتك بتفرحني ..
وبشاشة وشك بتسعدني ..
و أمل ملامحك في الدنيا اكتر بيمسكني ..
ذنبي هيبقى في رقبتك لو يوم كشرت في وشي



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


آيــة

:-)

PostHeaderIcon شخابيط ع الحيط .. 4

شخابيط ع الحيط .. 4

•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••



واحشاني الوشوش ..
اللى بالأمل شكلها منقوش . ..
مجرد ما تشوفها تهدى النفوس ..
و تنسى العبوس ..
و تطلق خيالك و تنسى الهموم ..



•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••



في زمن السحتوت ..
كان نفسي أعيش و أموت ..
أبو قرش يبقى بيه ..
و الجنيه يشترى بلاحدود ..
و البركة موجودة مكان ما تفوت ..
ما تقولي ألاقيك فين يا سحتوت ؟!!؟


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••



ياللي دموعك مغرقاك ..
و في الحزن مدوباك ..
خليك قاعد مكانك كده ..
و اهو انت ضامن لك مكان ..
في طابور الميتين ..
اللي عن السعادة مستغنين ..
و مني ليك أحلى وداع و سلام


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


طفلة ..
كل عمرها شوية سنين ..
ليها في الدنيا دي أمل واحد مش اتنين ..
أملها تروح السجن و تبقى من المجرمين ..
يشنقوها لانها فاكرة ...
انها هترتاح من العيشة و اللي عايشين

•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••


صفحة ورا التانية ..
و لا أنا داريانة بالدونيا ..
حواديت تشيب ..
و أفكار تحير ..
و في الآخر كده..
في صفحة بتقول دي النهاية ..
نهاية الدونيا و لا نهاية عمري و لا ايه الحكاية


•••••••••••••••••••••• :: Ƹ̵̡Ӝ̵̨̄Ʒ :: ••••••••••••••••••••••



آية

:-)

Follow by Email

قــآلت آية

quotes Aoty likes


"أرجوك .. لا تتكلف ، يكفيني أن تكون نفسك"— آية الملواني

مُتابعتك شرف =)

There was an error in this gadget

كتابي الأول - تخيل

On Twitter

On Goodreads

الأكثر قراءة

Networked Blogs

اترك رأيك بحرية ، و لن اعرف من القائل

There was an error in this gadget

I ♥ Animations

أنا ♥ صناع الحياة

فذّكر

الناس الي نورتني

Páginas

Powered by Blogger.