PostHeaderIcon شخابيط ع الحيط .. 15







شخابيط ع الحيط .. 15


••••••••••••••••••••••


واحشاني كراسة الحساب
كانت أيام صافية مافيهاش عتاب
و كانت براءة ماشافت لسه عذاب
أيام ما كان لسه بيروح النار الكداب


••••••••••••••••••••••


قهودة سادة ،
بسكر زيادة ،
حاجة ع غير العادة ،
كفاية للعادات عبادة ،
في حياتي لىّ حق القيادة ..
خلطة قالوا عليها من زمن فات
أنها سبب للسعادة


••••••••••••••••••••••

في زحمة الدنيا بتبوظ حاجات كتير ..
و في قاعدة صفا تبدأ تحس بالتقصير ..
و ترجع تفرح أوي بأنه لسه في ضمير ..
و تحاول تظبط و أملها في ربنا كبير


••••••••••••••••••••••

بتحلم ترقص من الفرح ..
و يملا حياتها سيل مرح ..
و لحاجات كتير تلاقي قلبها انشرح ..
يتحلم تلاقي كل الشجر للخير طرح ..
و اصبح للغني و الفقير حق الفرح

••••••••••••••••••••••


أنت مين ..
و فين و ليه ؟ ..
سؤال حزين ..
محدش في إجابته ليه أمين ..
كله بيدراي ع جروحه بتاديين ..
سؤال مطروح من سنين ..
و من غير إجابته هنفضل دايماً تعبانين


••••••••••••••••••••••


آية الملواني :)






PostHeaderIcon و من لمصر سوانا .. الحملة الشعبية لتوفير المياه




و من لمصر سوانا .. الحملة الشعبية لتوفير المياه





مش عارفة اقول ايه .. من كتر اللي جوايا


المهم ده البرشور .. اطبعوه .. و علقوه

في مداخل العمارات ، الأسناسير

حطوه في مكان أي تطوله

انشروه و انشروه



للطباعة .. أكليك هنا


جروبز فيس بوك مهتمة بالموضوع

و بس كده دلوقتي :)


PostHeaderIcon I ♥ Me

I ♥ Me

بشوف كتير و كتير .. للأسف أول حاجة الواحد بيكرها نفسه


لو قادر تقرأ كلامي دلوقتي .. يبقى ربنا كرمك و خالاك بنى آدم
تقوم تيجي أنت تحرم نفسك من أبسط حقوقها
أنك تحبها .

لو مش بتحب نفسك .. أزاي مستني من الناس أنها تحبها .

نفسك عاملة زي طفل عنده كام سنة .. تحايله و تدلعه تأخد عينه
تقسى عليه .. هيعند عليك أو هتقهره و يسمع كلامك
و مرة في مرة هيكرهك بسبب قهرك .


نفسك عاملة زي الزرعة .. طول ما بتحبها و تهتم بيها .. طول ما بتخضر و تحلو .
سيبها كام يوم هتبدأ تصفر
شوية كمان
غالباً هتسود .



نفسك عاملة زي لوح الأزاز .. محتاجة رقة في معاملته
لأنه مع أول بوادر قسوة هيشرخ منك
و لما تزود .. هيتكسر
بس أحلى ما فيه أنه لو انكسر بيرجع يتصلح
و انت عارف أزاي .


انا مش بقول اعملوا طاوووس
بس حبوها بجد
علشان تستاهل تتحب
اتمنوا لها الخير
حتى لو بتنوى الشر
بكرا تتعدي من خيركم ده

عززوزها ..
الناس هتعززها


كرموها ..
هتعلى بيكم أكتر و أكتر


تقبلها زي ما هي ..
هتبقى زي العجينة في إيدك
و ترضى تتغير للي أنت عايزه


ببساطة و من غير كلاكيع
حبها لأنك تستاهل و هي كمان تستاهل

آية :)


PostHeaderIcon لكي أمقتك بشكل أسهل


لكي أمقتك بشكل أسهل


كن أناني اكثر و تناسى أن لي وجود .


تفنن في أفعال تنفي كل ما قطعت من وعود.


لسانك سوطك ، اسمعنى صوته أكثر .


و لا تنسى رائعتك اليومية في السخرية منى.


اسمع التافهة عن مدى روعة من كانوا دونها .


اشتري دفتراً و دون فيه كل ما أنفقت .


يا سيد الكل شئ .. صارحها أكثر بأنها لا شئ .


أصنع قفصي ذهيباً كي يحسدني متفرجوا الحياة .


عاملني كقاصرة ، فمن دونك لا وجد لي .


تفاخر و تفاخر .. لديك ماريونت

=========

ع لسان كثيرات

أفعل واحدة فقط .. و ستحبك أكتر ، لجعلك لها تمقتك بشكل أسهل .

:)

آية

Follow by Email

قــآلت آية

quotes Aoty likes


"أرجوك .. لا تتكلف ، يكفيني أن تكون نفسك"— آية الملواني

مُتابعتك شرف =)

There was an error in this gadget

كتابي الأول - تخيل

On Twitter

On Goodreads

الأكثر قراءة

Networked Blogs

اترك رأيك بحرية ، و لن اعرف من القائل

There was an error in this gadget

I ♥ Animations

أنا ♥ صناع الحياة

فذّكر

الناس الي نورتني

Páginas

Powered by Blogger.