PostHeaderIcon I ♥ Me

I ♥ Me

بشوف كتير و كتير .. للأسف أول حاجة الواحد بيكرها نفسه


لو قادر تقرأ كلامي دلوقتي .. يبقى ربنا كرمك و خالاك بنى آدم
تقوم تيجي أنت تحرم نفسك من أبسط حقوقها
أنك تحبها .

لو مش بتحب نفسك .. أزاي مستني من الناس أنها تحبها .

نفسك عاملة زي طفل عنده كام سنة .. تحايله و تدلعه تأخد عينه
تقسى عليه .. هيعند عليك أو هتقهره و يسمع كلامك
و مرة في مرة هيكرهك بسبب قهرك .


نفسك عاملة زي الزرعة .. طول ما بتحبها و تهتم بيها .. طول ما بتخضر و تحلو .
سيبها كام يوم هتبدأ تصفر
شوية كمان
غالباً هتسود .



نفسك عاملة زي لوح الأزاز .. محتاجة رقة في معاملته
لأنه مع أول بوادر قسوة هيشرخ منك
و لما تزود .. هيتكسر
بس أحلى ما فيه أنه لو انكسر بيرجع يتصلح
و انت عارف أزاي .


انا مش بقول اعملوا طاوووس
بس حبوها بجد
علشان تستاهل تتحب
اتمنوا لها الخير
حتى لو بتنوى الشر
بكرا تتعدي من خيركم ده

عززوزها ..
الناس هتعززها


كرموها ..
هتعلى بيكم أكتر و أكتر


تقبلها زي ما هي ..
هتبقى زي العجينة في إيدك
و ترضى تتغير للي أنت عايزه


ببساطة و من غير كلاكيع
حبها لأنك تستاهل و هي كمان تستاهل

آية :)


9 comments:

Ahmed Hassen said...

ازاى تتكليمى عن واحد انتى اساسا مش عرفاه... دا ذكان انا مش عارف نفسى ولا اية اللى بيعجبها او يريحها, تيجى انتى تقولليلى حبها؟؟!!

Aiaa said...

أحمد
لما انت مش تعرفها .. مين المفروض يعرفها
و إذا مش كان أحمد هو اللي هيعمل اللي يريحها
مين هيعرف اللي يريحها و يعمله

لو بدأت تعرفها ، تفهمها ، تسعى للأحسن ليها
هتلاقي نفسك بتحبها من غير تعب
:)

˙·٠•●الاسترخاء باخضان السكون●•٠·˙ said...

اى نفس فى الدنيا تستاهل تتحب تعرف ليه ؟؟ عشان ربنا هو اللى خلقنا فى احسن حال ممكن نكون عليه وفضلنا على كل مخلوقات الكون بحلونا ومرنا بخيرنا وشرنا خلقنا جوانا الخير والشر الحب و الكره خلقنا نحب ككل حاجه تستاهل تتحب ونكره كل حاجه تستاهل تتكره حب نفسك وهى هتحبك وتبقو دايما احسن سوا

سورى يا ايه انى رديت على كلام موجه ليكى وتسلم ايدك

Ahmed Hassen said...

لو بتتكليمى عن اللى بيريحها و اللى بيعجبها, فعذابى هو اللى بيريحها,,,
احنا الاتنين عيشين على كيده مع بعض بألنا فترة, و الظاهير كده ان احنا حنكمل على كده مدة كبيرة شوية...................... و بتقوللى حبها؟؟!!

Ahmed Hassen said...

بس انتى لما تكريهى حد او حاجة, كل اللى نفسك فيه ان الحد او الحاجة ده تتغير ,ولو حاجة بسيطة.....
يقريبا هو ده اللى انا محتاجه, شوية تغير
بس عرفه ده عامل زى لما بتزقى حائط, كل اللى بيحصل انك بتتخيلى انها تتحرك بس الحقيقة انها مش بتتحرك من مكانها, و الحل ان هى تتدمر

˙·٠•●الاسترخاء باخضان السكون●•٠·˙ said...

ده على اعتبار انك حائط ؟؟!!!

عيب في حق نفسك اعتقادك ده من الواضح انك محتاج تعيد حساباتك وتتعرف على نفسك من اول وجديد

Ahmed Hassen said...

و ياترى الواحد محتاج يعيد حسابته كام مرة علشان يعرف الحقيقة؟؟

Tarkieb said...

الكلام سهل ولكن التطبيق صعب في ناس بتعرف كلامك لكن ما تعرفشي لاتحب نفسها ولا حتى غيرها... ياريت حب الذات او حتى الانانية تكون في حدود الكونترول ماكنشي حد غلب... وياريت بقى لو بتحبي نفسك وبتحبي الناس اللي بتيجي ليكي هنا تشيلى ميزة تدقيق الكلمات من التعليق

♥ R ♥ said...

صح جدااااً

Post a Comment

القائمة البريدية

Subscribe to my Newsletter

قــآلت آية

quotes Aoty likes


"أرجوك .. لا تتكلف ، يكفيني أن تكون نفسك"— آية الملواني

مُتابعتك شرف =)

كتابي الأول - تخيل

On Twitter

On Goodreads

الأكثر قراءة

Networked Blogs

اترك رأيك بحرية ، و لن اعرف من القائل

I ♥ Animations

فذّكر

الناس الي نورتني

Páginas

Powered by Blogger.