PostHeaderIcon شخابيط ع الحيط .. 13

شخابيط ع الحيط .. 13



أستاذ بهلوان ..
بصفتك إنسان ..
مش عاطي لحد الأمان ..
و من غدر البشر تعبان ..
أستاذ بهلوان ..
رد على و بلاش سهتان ..
أو ريح نفسك و طلع بألاعيبهم بيان ..
و بلاش تعمم ده الفرق بين صوابع إيدك الواحدة شتان




حاسب تقع يا شاطر ..
و يمنعوك بعد كده تروح القناطر..
يمسكوها لك ذلة و ما تعرفش تقولهم غير حاضر ..
قادر كريم يرحمك منهم ..
استر منهم يا ساتر ..



من سابع سما ..
لسابع أرض ..
طالع نازل ..
لا بيتعب و لا بيتهد ..
و ماسك في الدنيا و نازل شد ..
يكونش فاكر نفسه واخد عليها عهد ..
و يقول الهمة ..
و هأخدها جد الجد



اتنططوا اتنططوا ..
.بكرة قريب و فيه هتتبططوا ..
ساعتهاع ايد ناس كتير هتظبطوا ..
و تلاقوا كل اموركوا اتلغبطوا ..
و الدنيا تبدهل فيكم و لا تقدروا في يوم تنطقوا



ليه بقيت بخاف أفرح ..
و لا استنى شجرة للخير تطرح ..
و ماعدش يفرق معايا أنجح ..
ابص للدنيا..
منها و أفضل متنح ..
بقيت بأي رأي أسمح ..
نفسي أتسدت و ماعدتش تحاول تفلح




أول شخابيط في 2010
يارب تعجبكم .. تحيتي لكم
آية :)




بوست محجوز
بوست محجوز :)

PostHeaderIcon في جونينة الحيوانات

في جونينة الحيوانات


ها اتصور عند الفيل..
و من غيظي اقوله يا أبو دم تقليل ..
ع إيه مغرور و فاكر نفسك جميل

:P


عند البطة ..
مولعة نار و غيرانة من القطة ..
بتفكر تغرق لها أكلها بالشطة ..
غبيبة و لا متعرفش تفرق ..
انها بطة و دي مجرد قطة


قدام الأستاذ تعبان..
سمعته بيغني بصوته السهان ..
يارب أرحمني من شغلة البهلوان..
مش قدمت إستقالتي للسيرك من زمان



و اعاكس البغبغان..
طيب و اللي في القلب ع اللسان..
ما يعرفش غدر بني الإنسان..
و أجيب له اللي يأمره ..
إن شاء الله حتى لبان ..
او حتى محشي بتدنجان

:-)

PostHeaderIcon 50 نصيحة لك قبل أن تكبر.



50 نصيحة لك قبل أن تكبر.


1- ابدأ في أكتشاف مواهبك مبكراً.
2- اتخذ صديقاً يختلف عنك في الجنس أو الدين.
3- حاول أن تصل إلى الأعماق و لا تفكر بسطحية.
4- كن مستكشفاً و حدد الأماكن التي زرتها على الخريطة و حاول زيارة أماكن جديدة مثل مدينة أو حديقة عامة كل عام.
5- كون ألبوم صور فتوغرافية ليكون سجلاً لك و لأسرتك كل عام.
6- اعتذر عن خطأ ارتكبته منذ وقت طويل .. اسرع فأنت أعلم الناس بذلك.
7- كن ضيفاً مرغوب فيه دائماً .. و تعلم اللعب بالكرة و إلقاء النكات و القصص الطريفة.
8- تدرب على الإسعافات الأولية.
9- سجل أحلامك الليلية في مذكرات.
10- تعلم إعداد طبق من بلد أجنبي و قدمه لأسرتك كل شهر.
11- تعلم لغة أجنبية.
12- قم بتصوير أي حدث هام في حياتك بكاميرا الفيديو مثل فريقك الرياضي أو عمل تطوعي قمت به أو مهرجان مقام في مدينتك.
13- جرب أن تأكل فاكهة غريبة : مثل الكيوي أو الكمثرى الآسيوية.
14- تعلم لغة الإشارة.
15- تعرف على أفضل ذكريات أقاربك و قم بتدوين قصصهم في مذكراتك.
16- ادع طفلاً وحيداً لحضور حفلة .
17- قم بتعليم والديك شيئاً ما مثل : كيفية إرسال رسالة بالتليفون المحمول أو أدعهم إلى قراءة كتابك المفضل .
18- نظم حفلة تلم شمل أسرتك.
19- جرب أن تكتب كلمات أغنية .
20- تعلم العزف على آلة موسيقية.
اهتم بثقافتك العامة في مجال:
21- العلوم.
22- الفنون.
23- الآداب.
24- الموسيقى.
25- الرسم
26- كن طالباً في جامعة أجنبية عن طريق نظام الدراسة بالمراسلة.
27- اقنع والديك بإجراء تغير واحد في البيئة مثل :
- شرب المياة المرشحة.
- استعامل لمبات الفلورسنت المضغوطة الموفرة للكهرباء.
- المشي بدلاً من قيادة السيارة إلى الأماكن القريبة.
28- نم تحت السماء الصافية.
29- كن ناصحاً أميناً فيما تعرفه.
30- اختر حيوانك الأليف بعناية.
31- تغلب على خوفك من الأماكن المرتفعة و اقفز من أعلى منط في حمام السباحة.
32- اقض وقتاً طويلاً داخل حديقة كبرى.
33- كن أول من يرتدى ملابس غير تقليدية بين زملائك في الفصل.
34- كن خبيراً في شئ واحد : مثل عالم الحيوان أو طعام مفضل لدى شعب آخر.
35- خذ ع عاتقك قضية مثل : البيئة ، الجوع في العالم ، الأمية ، أو أي شئ آخر يهمك .
36- اختر رياضة تناسبك و مارسها لسنوات.
37- اخترع شيئاً ما .
38- قم بعمل تطوعي أسبوعياً مثلا:
- أن تدرب أطفالأ
- أن تزور دار مسنين.
- أن تنظف الحدائق العامة.
39- ابحث عن خبير يزودك بمعلومات عن مهنة قد تود ممارستها.
40- اتخذ صديقاً بعيداً عنك تتواصل معه عن طريق البريد العادي و ليس الإلكتروني.
شاهد الأفلام الأجنبية التالية :
41- E.T. The Extraterrestrial.
42- The Wizard of Oz.
43- The Sound of Music.
44- March of Penguins.
45- Star Wars: Episode IV – A New hope.
46- قم بالسباحة على إمتداد حوض السباحة أربع مرات على الأقل.
47- تأمل المنظر حولك و أنت واقف عند تمثال مشهور.
48- احرص على أن تفوز بجائزة.
49- افعل شيئاً حسناً لشخص ما دون أن تخبره.
50- ازرع شجرة أو حديقة.


عن مجلة ناشيونال جيوجرافيك
العدد رقم : 9

:-)

PostHeaderIcon قنبلة و بوووم


نفسي في قنبلة ..
تعمل بوووم ..
في وش ظالم
مشّيل غيره الهم ..
حاجر ع الكلام ..
و بيأخد عهد من الناس قبل ما تنام ..
لا تفكر و لا ليها دعوة بالأحلام


نفسي في قنبلة ..
تعمل بوووم ..
تأخد في وشها الجبان ..
اللي خايف من نظيره الإنسان ..
و ناس ملزقة مصالحها بالدين و الإيمان ..
و ترحمني من الكائن..
طويل اللسان


نفسي في قنبلة ..
تعمل بوووم ..
في قلب أسود مليان حقد ..
و ع كل فكرة تلاقي صوته ضد ..
واخد الطيبة ليه ند ..
و عمرك ما تلاقي منه خير خصوصاً وقت الجد


:-)



PostHeaderIcon عايزة أطير .. و أغيظ الطير


عايزة أطير ..
أكون حرة ..
و اغيظ الطير ..
لا اطمع اكون وزير ..
و لا اخاف يحدفني المستقبل لغفير ..

عايزة أطير ..
اسابق الريح ..
و لا أحلاها مراجيح ..
ادور في الدنيا و أطيح ..
و لو أطول انشر كيلو تفاريح

عايزة أطير ..
بعيد عن الهم مهاجرة ..
و أكون في الأمل متاجرة ..
و ع ربي متوكلة و لنعمه شاكرة ..
أيوا نفسي بجد أكون دايماً متفائلة


أيوووا بجد ..
عايزة أطير ..
أكون حرة ..
و اغيظ الطير


:-)

PostHeaderIcon شخابيط ع الحيط ..10

شخابيط ع الحيط ..10



كل شوية يتعاد ..
هي هي التفاصيل ..
ونفسها الحكايات ..
و تيجي و تقول المرة دي بالذات ..
اتعلمت من كل اللي فات ..
و ماله يا ريما ..
منك هاريح دماغي ..
واعمل نفسي مصدقاكي زي كل مرة جات



تفكر تفكر ...
و يوم ما تفكر لازم تحتار...
اصله لا عاد الأبيض أبيض ...
و الأسود أسود....
الدنيا بقت عاملة زي علبة الألوان ...
و كل واحد حر ساعة الإختيار


أعجب من العجب ..
كلام مالوش هدف ..
و لا فيه احترام و لا أدب ..
لصاحبه عندي عتب ..
يمكن يقولي سبب ..
يزيل مني العجب



كلمة او اتنين ..
ترسم بيها بسمة ع وش شكله حزين ..
يادوب لسه عايش وايا العايشين ..
تفرح و تفرحه و انتوا الاتنين كسبانين ..
و في الآخرة ليك الثواب و يارب ع الخير متجمعين



ياللي بيتك من أزاز ..
و بأيدك حجارة بترمي بيها بيوت الناس ..
للدرجة دي منعدم عندك الإحساس ..
بين لحظة و التانية مش هتلاقي لا بيت..
و لا حتى شيظة من الأزاز




آيــة

:-)

القائمة البريدية

Subscribe to my Newsletter

قــآلت آية

quotes Aoty likes


"أرجوك .. لا تتكلف ، يكفيني أن تكون نفسك"— آية الملواني

مُتابعتك شرف =)

كتابي الأول - تخيل

On Twitter

On Goodreads

الأكثر قراءة

Networked Blogs

اترك رأيك بحرية ، و لن اعرف من القائل

I ♥ Animations

فذّكر

الناس الي نورتني

Páginas

Powered by Blogger.