PostHeaderIcon شخابيط بحبها ♥

شخابيط بحبها ،
 بترفع لى معنوياتي
حاجات اتنشرت قبل كدا
و حاجات أول مرة بتتنشر

~

نملة قد الفسفوسة ..
فاكرينها في حياتها منحوسة ..
و من إجتهادها تلاقي حشرات كتير مفروسة ..
و وقت الزنقة و لا أجدعها فيلسوفة ..
وكل خطوة في حياتها مدروسة

~

متقولش اتأخر أوان كلامك ..
و لا ضاع أملك و إلهامك ..
لسه باقي العمر أمامك ..
لوحة فاضية تلونها بأحلامك ...
ترسم ورده و بسمة و تسعد كل اللي يجي قدامك

~

ساعة الفرحة اتتنطط زي العيال ..
و أزرع بكرا بالآمال ..
و اسيب اللجام لأحلى خيال ..
و ع اليأس اكون إستاذة إحتيال .
. ساعة الفرحة بتنطط زي العيال

~


تيجي نهرب من الحقيقة ..
نرسم حلم في كام دقيقة ..
بوشوش طاهرة و بريئة ..
و نوجد بسمة بمليون طريقة

~

و لا يمكن إمبارح يتعاد ..
و إن حتى زورنا في شهادة الميلاد ..
و مع بكرا هأخد معاد ..
و اعمله أحسن إعداد ..
و يكون بيني و بين الأمل أقوى إتحاد
 ~

تحلم ترقص من الفرح ..
و يملا حياتها سيل مرح ..
و لحاجات كتير تلاقي قلبها انشرح ..
يتحلم تلاقي كل الشجر للخير طرح ..
و اصبح للغني و الفقير حق الفرح

~

لما تيجي لك فرحة ..
اتشعبط فيها ..
و في برواز دهب خليها ..
أعشقها و دوب فيها ..
غني لها و اتفاخر بيها ..
اكتبها في كل حتة و اوعي من ذاكرتك تمحيها

~


مدمن كارتون ..
لاسع و مجنون ..
عايز أغني و احضن الكون ..
أطير ببالون ..
اعرف كل شكل و أخد من كل لون ..
ما هو دا القانون ..
أكون أو لا أكون

4 comments:

Post a Comment

القائمة البريدية

Subscribe to my Newsletter

Follow by Email

قــآلت آية

quotes Aoty likes


"أرجوك .. لا تتكلف ، يكفيني أن تكون نفسك"— آية الملواني

مُتابعتك شرف =)

كتابي الأول - تخيل

On Twitter

On Goodreads

الأكثر قراءة

Networked Blogs

اترك رأيك بحرية ، و لن اعرف من القائل

تدوينات قديمة

I ♥ Animations

فذّكر

الناس الي نورتني

Páginas

Powered by Blogger.